Петропавлда «Динамо» стадионының жаңа футбол алаңы ашылды
Бүгін Петропавлдағы «Динамо» стадионында жаңа футбол алаңының ашылуы өтті. Салтанатты шараға ҚФФ президенті Әділет Барменқұлов, футболдан ҚР ұлттық құрамасының бас бапкері Станислав Черчесов, СҚО әкімі Ғауез Нұрмұхамбетов пен «Alan» жобасының елшісі Самат Смақов қатысты.
Футбол алаңы Италиядан келген 5-ші буынды жасанды жабынмен қапталған. Бұл Қазақстандағы футбол алаңдарын жаңартуға арналған «Alan» ҚФФ бағдарламасының арқасында мүмкін болды. Жобаның басты мақсаты – жас футболшыларға жағдай жасау, олардың әлеуетін ашу және алаңдағы қауіпсіздікті қамтамасыз ету.
Өңірімізде футболды дамытуға ерекше көңіл бөлінуде. Өткен жылы 22 шағын футбол алаңы орнатылды. Қазіргі таңда 4 ауылда стадиондар жөнделуде. «Қарасай» стадионын қайта жаңғыртудың екінші кезеңі жалғасуда.