Жарияланған күні: 28.11.2024
Петропавлда «Таза бейсенбі» акциясы өтті
Петропавлда «AMANAT» партиясының белсенділері қала аумағын абаттандыруға бағытталған «Таза бейсенбі» акциясын өткізді. Партия өкілдері М.Қозыбаев атындағы Солтүстік Қазақстан университетінің аумағындағы көпес Светлицкийдің тарихи ғимаратының ауласын қардан тазартты.
⠀
Аталған іс-шараға 30-дан астам адам қатысты. Олардың арасында студенттер, партияның өңірлік филиалының қызметкерлері және «Жастар Рухы» жастар қанатының өкілдері болды. Белсенділер бір сағаттың ішінде аумақты қардан тазалап, тұрғындардың жүріп-тұруына қолайлы жағдай жасады.
⠀
— Біз қаламыздың дамуына, көркеюіне өз үлесімізді қосқанымызға қуаныштымыз. Мұндай шаралар тек тазалықты сақтауға ғана емес, сонымен қатар қала тұрғындарын біріктіруге шақырады» — деп атап өтті «AMANAT» партиясының «Болашақ» филиалының атқарушы хатшысы Александр Зель.
⠀
Айта кетейік, партия өкілдері аталған акцияны өңіріміздің түкпір-түкпірінде ұйымдастыруды жоспарлап отыр.