Жарияланған күні: 02.12.2024
Анасын өлтірген солтүстікқазақстандық 11 жылға сотталды
Облыс тұрғындарын дүрліктірген оқиға соңына жетті. Күдікті жазасын алды.
Естеріңізге салсақ, күдікті туған анасын соққыға салып өлтірді. Кейін істеген ісін жасыру мақсатында үйі жандырған. Аталған факті расталып, сот отырысы өтті. Облыстық қылмыстық істер жөніндегі мамандандырылған ауданаралық соты күдіктіні 11 жылға бас бостандығынан айырды.
Сот отырысында белгілі болғандай, Юрий Бондарь соңғы кездері ішімдікке салынып, анасын жиі ұратын. Мұны куәгерлер де растады. Прокурор анасын ұрып өлтірген Юрий Бондарьды 12 жылға бас бостандығынан айыруды сұраған. Алайда айыпталушы кінәсін мойындамай, өзін ақтауды сұраған. Дегенмен сот 59 жастағы ер адамды 11 жылға соттады.
Сот үкімі әлі заңды күшіне енген жоқ.