Петропавлда интернат тәрбиешілеріне арналған семинар өтті
Петропавлдағы Назарбаев зияткерлік мектебінде облыстағы мектеп интернаттарының тәрбиешілері бас қосты. Білікті мамандар үшін семинар ұйымдастырылып, шеберлік сағаттары өтті.
Семинар өңірдегі интернаттар арасындағы ынтымақтастық пен тәжірибе алмасуды нығайту алаңына айналды. Шарада республикалық ғылыми жобалар байқауында табысқа жетудің үлгісі көрсетіліп, мамандар өзара тәжірибелерімен бөлісті.
— Семинарға келгенімізге өте қуаныштымыз. Шақырып, осылай әріптестерімізбен бөлісіп қандай жұмыс, қандай проект жүргізуге болатындығын бәрін өзімізге келесі жылдары жұмыс істеуге жақсы жақтарын үйреніп, ұғып алдық. Осындай кездесулер жиі-жиі болып тұрса, — дейді Соколов арнайы мектеп-интернатының тәрбиешісі Эльвира Шалдықова.
Алдағы уақытта педагогтар оқушыларымен бірге жобалар жазып, кәсібилігін арттыруды жоспарлап отыр.