Ерлан Нысанбаев Экология және табиғи ресурстар министрі болды

Мемлекет басшысының Жарлығымен Ерлан Нұралыұлы Нысанбаев Қазақстан Республикасының Экология және табиғи ресурстар министрі лауазымына тағайындалды.

Ерлан Нұралыұлы Нысанбаев 1961 жылы 11 тамызда Алматы облысында дүниеге келген.

Қазақ ауыл шаруашылығы институтын «орман шаруашылығы инженері», Абай атындағы Қазақ ұлттық педагогикалық университетін «қаржы бакалавры» мамандығы бойынша бітірген.

Еңбек жолын 1983 жылы орман шаруашылығының шебері болып бастаған.

Әр түрлі жылдары коммерциялық сектор мен мемлекеттік құрылымдарда жұмыс істеді.

2013-2014 жылдары қоршаған ортаны қорғау вице-министрі;

2014-2019 жылдары – ауыл шаруашылығы вице-министрі;

2019 – 2021 жылдары экология, геология және табиғи ресурстар вице-министрі қызметін атқарды.

2023 жылғы наурыздан бүгінге дейін Астана қаласы әкімінің кеңесшісі болды.