Сергеев су қоймасы: Су деңгейі 111 см-ге жетті

Гидрологиялық тораптағы су деңгейі бір тәулікте 26 см-ге жоғарылаған. Ал Сергеевка қаласы жанында Есіл өзенінің деңгейі 2 метр 7 см көтеріліп, 642 см-ге жетті. 

Облыс аумағында Есіл өзені басталатын Ғабит Мүсірепов атындағы ауданда су деңгейі түсіп жатыр. Шөптікөл ауылының маңында шамамен 1 метрге, Дружба елді мекені жанында 38 см-ге, Тоқсан би ауылының маңында 20 см-ге төмендеді. Шағын өзендерде бірнеше күннен бері су деңгейі түсіп келеді. Ал Есіл ауданындағы Покровка, Николаевка елді мекендерінде өзен суының деңгейі 85 см-ге көтерілген.