Облыста халықаралық агрохолдинг ауқымды жобаны іске асырады

Облыс әкімі Ғауез Нұрмұхамбетов Tiryaki Agro түрік компаниясының өңірлік директоры Коксал Салих Юлдузпен кездесті.

Халықаралық агрохолдинг Qyzyljar арнайы экономикалық аймағында май шығару зауытын салуды жоспарлап отыр.

— Біздің өңір дәнді және майлы дақылдар өндірісінде, оның ішінде күнбағыс, рапс және зығыр бойынша жетекші орында. Майлы дақылдарды өңдеуге бағытталған бұл жобаның жүзеге асуы облыстың өңдеу өнеркәсібін ары қарай дамытуға септеседі. Сонымен қатар, жаңа жұмыс орындарын құруға, өңдеу қуаттарын арттыруға және өңірдің инвестициялық тартымдылығын күшейтуге мүмкіндік береді,- деді СҚО әкімі.

Кәсіпорында күнбағыс, рапс және зығыр майын өндіру көзделген, өндірістік қуаты тәулігіне 1 500 тоннаға дейін жетеді.