Жарияланған күні: 08.05.2026
Петропавлда каратеден республикалық турнир өтті
Киокушинкай каратеден республикалық турнир облыс орталығында Отан қорғаушы күні мен киокушинкай карате ұйымы филиалының 25 жылдығына арналған республикалық турнир ұйымдастырылды.
Дүбірлі додаға еліміздің әр өңірінен келген 600-ге жуық спортшы қатысып, татамиде өз шеберліктерін көрсетті. Салтанатты ашылу рәсіміне «AMANAT» партиясы Солтүстік Қазақстан облыстық филиалының атқарушы хатшысы Жеңіс Асанов қатысып, жарысқа жиналған спортшылар мен жаттықтырушыларды мерекемен құттықтады.
— Спорт — жастарды тәрбиелейтін маңызды құрал. Осындай жарыстар жас буынның шынығып, ел намысын қорғайтын азамат болып қалыптасуына ықпал етеді. Барлық қатысушыларға әділ дода мен жеңіс тілеймін, — деді Жеңіс Асанов.
Турнир барысында қатысушылар түрлі жас және салмақ дәрежелері бойынша сынға түсті. Спортшылар жарыс барысында жоғары дайындық деңгейін көрсетті.
Турнирдің қорытындысы бойынша үздік өнер көрсеткен спортшылар арнайы медаль, диплом және кубоктармен марапатталды. Ұйымдастырушылар мұндай республикалық турнирлер киокушинкай каратенің дамуына тың серпін беріп, жастар арасында салауатты өмір салтын насихаттауға мү