СҚО-да кене 335 адамды шақты

Сәуір айында облыста кене шағудың 200-ге жуық фактісі анықталса, мамыр айымен қоса алғанда олардың саны 335-ке жетті. Айта кету керек, өткен жылы сәуірде 138 адам дәрігерге жүгінді.  

— Бүгінге дейін медициналық көмекке жүгінгендердің 91-і 14 жасқа дейінгі балалар. Дегенмен, әзірге кене энцефалиті ауруы анықталған жоқ. Бұл өңірдегі эпидемиологиялық жағдайдың тұрақты екенін көрсетеді, — дейді санитар дәрігерлер.

Мамандардың айтуынша, кене энцефалиті — кене шағуы арқылы таралатын қауіпті вирустық ауру. Ол адамның миы мен жұлынын зақымдап, ауыр асқынуларға әкелуі мүмкін. Сондықтан алдын алу шараларын сақтау аса маңызды.