Азия ойындары: Айыртау ауданының спортшысы күмісті қоржынға салды

Жапониядағы Азия ойындарында солтүстікқазақстандық жеңілатлет Кристина Морозова күміс медаль еншіледі.

Спорттық жүрістен әйелдер арасындағы бәсекеде Қазақстан өкілі Кристина Морозова 1:35:25 нәтижесімен күміс медаль жеңіп алды. Жарыста Қытай спортшысы Ян Люцзин 1:33:40 уақыт көрсеткішімен жеңіске жетті. Үздік үштікті тағы бір қытайлық спортшы Юньянь Цзян 1:35:26 нәтижесімен түйіндеді.

Қазақстан құрамасының тағы бір мүшесі Эльмира Калимуллина 1:43:21 нәтижесімен алтыншы орынға ие болды.