СҚУ-ға 3 мыңнан астам студент оқуға қабылданды

Қозыбаев университетіне  биыл 3 187 талапкер оқуға қабылданды. Бүгіндері түлектердің 91 пайызы жұмыспен қамтылған. Былтыр бұл көрсеткіш 84 пайыз болған еді.

— Қазір оқу орнында әлемнің 22 елінен келген 483 шетелдік студент білім алады. Ал 475 студент Аризона университетімен бірлескен қос дипломды бағдарлама бойынша оқып жатыр, — дейді университет ректоры Ербол Исақаев.

Жиында «Таза Қазақстан» акциясы аясында жаңа оқу-зертханалық корпустың маңынан аллея ашылды. «Еуразиялық банк» акционерлік қоғамының қолдауымен аумаққа 120 ағаш пен бұта отырғызылды.