Облыс әкімі Ғауез Нұрмұхамбетов құрылыс нысандарын аралады

Жаңадан тағайындалған өңір басшысы Ғауез Нұрмұхамбетов облыс орталығында салынып жатқан құрылыс нысандарын аралады. Бұл туралы әкім өізінің Facebook әлеуметтік парақшасында жазды, деп хабарлайды тілшіміз.

Жұмыс сапары аясында облыс жетекшісі  тұрғын үйлердің құрылысы мен абаттандыру жұмыстарының аяқталу барысын тексерді. Сондай-ақ Петропавл қаласы көшелерін жөндеу және саябақтарды салу жұмыстарымен де танысты.

Бүгінде «Жас өркен» және «Береке» шағын аудандарында жаңа емханалардың құрылысы аяқталуға жақын. «Жайлы мектеп» ұлттық жобасы аясында «Орман» шағын ауданында жаңа мектептің құрылысы басталды.

«Барлық нысандарда құрылыс сапасын бақылауды күшейтіп, жұмыстарды мерзімінде аяқтау қажет. Апта сайын құрылыс және жөндеудің барысын тексеріп тұратын боламын», — деп жазды парақшасында облыс әкімі.