Петропавл қаласында өрттен қаза тапқандарды жерлеу шығынын қалалық әкімдік өз мойнына алды

Петропавлда бір үйдің келіні, немересі және кіші ұлы өрттен көз жұмды. Оларды жерлеу рәсімін қалалық әкімдік өз мойнына алды, деп хабарлайды  тілшіміз

Петропавл қаласы әкімі Серік Мұхамедиев қаза болғандардың туыстарына көңіл айтып, қайғыларына ортақ екенін жеткізді. Сонымен қатар, әкімдік тарапынан қолдау болатындығын айтты. Бұл туралы шаhар басшысы өзінің парақшасында жазды.

«Жергілікті атқарушы орган тарапынан жерлеу рәсіміне, уақытша пәтер жалдауға, басқа да қажеттіліктерге ақшалай көмек көрсетілетін болады», – деп жазды қала әкімі жеке парақшасында.