СҚО-да алимент төлемей жүрген үш азамат әкімшілік қамауға алынды
Солтүстік Қазақстан облысында бауыр еті баласына алимент төлеуден жалтарып жүргендер жауапкершілікке тартылды, деп хабарлайды тілшіміз. Жамбыл ауданының прокуратурасымен алимент төлеуден қашып жүрген үш азаматқа қатысты әкімшілік іс қозғалды.
Аталған әкімшілік іс аудандық сотта қаралып, нәтижесінде борышкерлер кінәлі деп танылды. Осылайша олардың барлығы қамауға алынды.
«Өзінің қызметтік міндеттерін тиісті деңгейде орындамағаны үшін жеке сот орындаушысы да тәртіптік жауапкершілікке тартылды. Аудандық прокуратурамен атқарушылық өндірісінің заңдылығын қадағалау жалағасуда. Соның ішінде, кәмелеттік жасқа толмағандардың алимент алу құқықтарын қорғауға айырықша көңіл бөлінетін болады», – делінген облыстық прокуратураның баспасөз қызметі таратқан хабарламада.