СҚО-ДА ДАЛА КҮНІ ӨТТІ

СҚО-да астыққа орақ түсті. Ризығын жерден табатын диқандар егін жинау науқанын бастап кетті.

Бүгін облыстың және көршілес өңірдің 300-ден астам агроқұрылым басшысы  Тайынша ауданына жиналды. Олар мұнда «Астық Стем» ЖШС-де болды.  

Маңызды шараға облыс әкімінің бірінші орынбасары Марат Тасмағанбетов қатысты. Алдымен қонақтар «Регион Север» ЖШС алқабын аралаудан басталды.

Артынша дәстүр бойынша агроқұрылым саласын дамытуға арналған ауқымды жиын өтті. Кездесуде  аграрилер егін жинау науқанына байланысты туындаған т.рлі сұрақтарын  қойып, оған тұщымды жауап алды.

Жалпы осы жылы өңірде егістің жалпы аумағы — 4,5 миллион гектарды құрады. Азық-түлік қауіпсіздігін қамтамасыз ету және ішкі нарықты әлеуметтік маңызы бар өнімдермен қамтамасыз ету үшін қарақұмық алқабы 2,5 есеге, ал картоп 1,5 есе ұлғайды.

Ауыл шаруашылығы дақылдарын әртараптандыру бойынша жұмыс жүргізілді. Жасымық (66-дан 115,3 мың гектарға дейін), күнбағыс (119-дан 131 мың гектарға дейін), қыша (8,7-ден 13 мың гектарға дейін) дақылдары ұлғайтылды.

Егістік алқаптарының құнарлығын арттыру мақсатында топыраққа 2,3 миллион гектар алқапқа -174,5 мың тонна минералды тыңайтқыш енгізілді.