СҚО-да қызылшамен жұқтырған 45 адам стационарда ем қабылдап жатыр

Солтүстік Қазақстан облысында қызылша жұқтырғандар саны уақыт өткен сайын артып барады. Қазір өңірде 45 адам стационарда ем қабылдап жатыр. Онның  12 бала, деп хабарлайды тілшіміз.

Облыстық денсаулық сақтау басқармасының баспасөз қызметінің мәліметінше, ҚР Ұлттық ұлан академиясында инфекцияға шалдыққандар  саны артты. Қауіпті індет 29 курсанттан анықталды, оның 25-і стационарда, төртеуі шығарылды.

Өңір қызылшаға қарсы вакцинаның қосымша 10 мың дозасын сатып алды.  256 егу пункті жұмыс істейді, оның ішінде 28-і Петропавл қаласында орналасқан.

 86 көшпелі егу бригадасы құрылды, оның 20 – сы облыс орталығында. Вакцинаны 1 993 адам немесе субъектілердің жалпы санының 7,5% алды.