СҚО-да көктайғаққа байланысты сабақтар онлайн форматқа ауыстырылды
Солтүстік Қазақстан облысында мектептердегі сабақ онлайн форматқа ауыстырылды. Өңірде кешеден бері жаңбыр жауып, ауа райы күрт бұзылды, деп хабарлайды тілшіміз.
Айыртау, Аққайың, Есіл, Мағжан Жұмабаев, Қызылжар, Мамлют, Ғабит Мүсірепов, Тайынша және Тимирязев, Шал ақын ауданында таңғы ауысымда оқитын оқушылар қашықтан оқуға көшті. Қалған білім ошақтары штаттық режимде жұмыс істеп жатыр.
Көктайғақтың салдарынан қалада қоғамдық көлік қозғалысы да қиындай түсті. Таңертең халық жұмысына кешікті. Қазір шаhарда коммуналдық қызмет күшейтілген режимге көшті. Олар, аялдамалар мен жаяу жүргіншілердің жолына құм себуде. Тайып –жығылғандар да аз емес. Тек өткен тәулікте облыс орталығында жарақат алған 50-ге жуық адам медицналық көмекке жүгінген.
«Жаяу жүру жолдарының барлығы да көктайғақ болғандықтан, балалардың қауіпсіздігіне, денсаулығына зиян келмес үшін осындай шешім қабылдады. Ал екінші ауысымның балаларын 12-ге қарай метео жағдай қалай болады, солай хабарланып отырады. Екінші тоқсанның аяқталуына санаулы күндер қалды. Сондықтан балалар емтихандарын үйлерінде тапсыра береді. Ол үшін барлық мүмкіндіктері бар», — дейді Петропавл қалалық білі бөлімі басшысының орынбасары Бұлбұл Ахмадиқы.