СҚО әкімі жан-жағын су басқан Прибрежное ауылының тұрғындарымен кездесті
Облыс әкімі Ғауез Нұрмұхамбетов Есіл өзенінің ортасында қалған Прибрежное ауылына барып, жергілікті тұрғындармен тілдесті.
СҚО әкімі қиын сәтте ауылдықтарға қолдау көрсетуді жөн көрді. Өңір басшысы су тасқынынан зардап шеккендерге мемлекет тарапынан барынша көмек көрсетілетінін айтты. Оның сөзінше, ауылда әкімдік тұрғындардан келтірілген шығынды өтеу туралы өтініштерді қабылдай бастады.
Тасқыннан зардап шеккендер тұрғындар эвакуациялау пунктінде тиісті өтініштерді толтыра алады. Бұл үшін ауылдар «Старлинк» спутниктік интернет тартылды.
– Ауыл изоляцияда болғандықтан, халықты қажетті азық-түлік және дәрі-дәрмекпен қамтамасыз ету қажет. Қызылжар ауданының әкіміне тұрғындарды қажетті заттармен қамтамасыз етуді және олардың өтініштеріне жедел ден қоюды тапсырдым, — деп жазды өңір басшысы әлеуметтік желіде.