СҚО-да бірнеше ауылдың атауы қазақшаланады

Еліміздің солтүстігінде бірнеше ауылдың атауы қазақшалануы мүмкін. Бұл туралы тілшіміз хабарлайды.

Мәселен Шал ақын ауданынан қарасты Кривощеков ауылдық округіне – Арай, ал Кривощеково ауылының өзіне — Арай деген атау берілмек.

Айыртау ауданындағы Қамсақты ауылдық округінің Карасёка ауылына – Қамсақты, Володар ауылдық округінің Воскресеновка ауылына – Баянтай атауы беріледі.  

Әкімдік қаулысымен жергілікті мәслихаттың шешімі Ашық НҚА порталында жарияланған.  

Әкімдікпен мәслихаттың бірлескен шешімдері қыркүйектің жетісіне дейін талқыланатын болады.