Жанжал шығармақ болған азамат ұсталды

Өткен демалыс күндері Петропавлдағы Әуезов көшесінде орналасқан полицияның стационарлық бекетінің маңында облыс орталығының 35 жастағы тұрғыны ұсталды, деп хабарлайды ПД баспасөз қызметі.

Ішімдік ішіп алған сезікті осы маңнан өтіп бара жатқан адамдардың біріне балағат сөздер айтып, төбелес шығармақшы  болған. Тәртіп сақшылары оны стационарлық бекетке жеткізді. Бірақ ер адам өзін агрессивті ұстап, полиция қызметкерлерінің заңды талабын орындаудан бас тартты.

Салдарынан полицейлер оған қарсы арнайы құралдарды қолдануға мәжбүр болған.

Қала тұрғынына ҚР Әкімшілік құқық бұзушылық туралы кодексінің 667-бабы бойынша әкімшілік хаттама толтырылып, процестік шешім қабылдау үшін іс сот органдарына жіберілді.