Петропавл қаласында құрылыс материалдарын шығаратын ірі зауыт салынуы мүмкін

Петропавл қаласында құрылыс материалдарын шығаратын ірі зауыт салынуы мүмкін, деп хабарлайды тілшіміз.

«Kronospan»компаниясымен  бүкіл әлемде белгілі брендтердің бірі және сапалы ағаш өнімдерін шығарумен танымал. Облыс әкімі инвесторлармен кездесу барысында өңірде ағаш өңдеу өнеркәсібі белсенді дамып келе жатқанын айтты.

«Экономиканы дамытудың маңызды бағыты ағаш өңдеу өнеркәсібі болып табылады. Бүгінде біздің облыста жарты миллион гектардан астам жерді орман алқаптары алып жатыр. Біз жоғары технологиялық жобаларды енгізе отырып, ағаш өңдеу саласын, ағаштан жасалған бұйымдар өндірісін дамытамыз. Ламинатталған фанера өндірісі іске қосылды, жоғары сапалы өнім Қазақстан нарығында сұранысқа ие, Германия, Польша, Латвия, Эстония, Литва және Азия елдеріне экспортталады», — деді Солтүстік Қазақстан облысының әкімі Ғауез Нұрмұхамбетов.

Сондай-ақ, облыс басшысы аймақта құрылыс саласында белсенді жұмыс жүргізіліп жатқанын, сондықтан құрылыс материалдары сұранысқа ие екенін атап өтті. «Kronospan» компаниясының өкілдері олардың өндірістері бүкіл әлемде табысты жұмыс істеп жатқанын хабарлады. Айта кетейік, аталмыш компанияның Қазақстанда ынтымақтастық тәжірибесі бар. Енді олар келесі жылы құрылысты бастау үшін дайын инфрақұрылымы бар учаскені іздеуде.

«Технологияларды таңдау мәселесі қазірдің өзінде біздің тарапымызда, біз мұны қалай жасау керектігін білеміз. Жергілікті үкіметпен тек инвестициялауға орын табу, оны іске қосу үшін жақсы серіктестерді табуымыз қажет. Жоба 50 миллион АҚШ долларынан асады», — дейді«Kronospan Holding East» акционерінің өкілі Томаш Янчак.

Компания өкілдері қалада олар үшін маңызды бірқатар мәселелер бойынша жағдай қалай өрбіп жатқанын сұрады. Олардың ішінде: логистика, шикізат, инфрақұрылым және тағы да басқалары.

Облыс әкімі компанияға өндірісті іске қосу үшін барлық қажетті қолдау көрсетілетінін атап өтті, сондай-ақ өнімнің ішкі және сыртқы нарықтарда сұранысқа ие болатынына сенім білдірді.