Облыс әкімі Ғауез Нұрмұхамбетов ЖЭО-да болды

Солтүстік Қазақстан облысының әкімі Ғауез Нұрмұхамбетов «Петропавл жылу желілері» серіктестігіне болды, деп хабарлайды тілшіміз.

Бұл туралы өңір жетекшісі әлеуметтік желідегі парақшасында  жазды. Орталықта мамандар жылыту маусымының өтуі туралы баяндап, жылу желілерінің тозуын азайту бойынша жүргізіліп жатқан кешенді жұмыстар туралы айтты.  

Биыл Петропавлда 8,3 шақырым жылу желілері және 51 стансада сорғы қондырғылары жөнделді, 3,8 шақырымға жылу оқшаулау жұмыстары жүргізілді.

2 жылу магистралінің құрылысы жүргізілуде, жобаның арқасында облыс орталығының солтүстік бөлігін жылумен қамту жақсара түспек. Сондай-ақ, №2 жылу магистралі құрылысының жобасы әзірленуде.

Жалпы, «Петропавл жылу желілері» кәсіпорнымен бірлесіп, жылыту жүйесін жаңарту бойынша 2024-2029 жылдарға арналған жол картасы әзірленді, бұл желілердің тозуын азайтуға мүмкіндік береді.