Петропавлда халықаралық жемқорлыққа қарсы күрес күніне арналған салтанатты шара өтті

Петропавлда халықаралық жемқорлыққа қарсы күрес күні аталып өтілді. Облыс әкімі Ғауез Нұрмұхамбетов сыбайлас жемқорлыққа қарсы іс-қимыл агенттігінің СҚО бойынша департаментінің басшысы Асхат Жақыпбековпен және құқық қорғау органдарының басшыларымен бірге аталмыш күнге арналған салтанатты шараға қатысты, деп хабарлайды тілшіміз.

Облыста жемқорлықты алдын алу жұмысы тұрақты түрде жүргізілуде. Жемқорлық тәуекелдерін азайту бағытында мемлекеттік органдар мен жемқорлыққа қарсы қызметі арасында тығыз  қарым-қатынас жолға қойылды.

Соның арқасында жемқорлық құқық бұзушылықтары азаюда. Әлеуметтік зерттеулердің нәтижелері бойынша СҚО бірнеше жылдан бері жемқорлық деңгейі төмен өңірлер қатарына еніп келеді.

Мемлекеттік органдардың, азаматтық қоғам,  кәсіпкерлер, үкіметтік емес ұйымдары және БАҚ өкілдерімен өзара әрекет етуі де маңызды рөл атқарады. Салтанатты шара барасында өңір басшысы сыбайлас жемқорлыққа қарсы күресте ерекше көзге түскен бірқатар солтүстікқазақстандыққа алғыс хаттарды табыс етті.