СҚО әкімі Ғауез Нұрмұхамбетов жылу электр орталығына болды

Солтүтсік Қазақстан облысының әкімі Ғауез Нұрмұхамбетов 2-ші жылу электр орталығының жұмысын тексеріп, «Севказэнерго» АҚ басшылығының есебін тыңдады, деп хабарлайды тілшіміз.

Қазіргі уақытта 6 қазандық жұмыс істеп тұр, төртеуі резервте және біреуі жаңартылуда. Аязды күндері станцияда 10 қазандыққа дейін пайдаланылды. Көмір қоры жеткілікті, жеткізу кестеге сай жүргізілуде.

Жылыту маусымы қалыпты жағдайда өтуде. Келесі жылы «Севказэнерго» инвестициялық жөндеу бағдарламасына 14,1 млрд теңге бөледі. 2 қазандық, 3 турбоагрегат күрделі жөндеуден өтіп, жаңа мұржа салынбақ.

Жылыту маусымының өтуі —  қатаң бақылауда.