СҚО әкімі Анатолий Башмаковқа «Алғыс» кеуде белгісін табыс етті

Солтүстік Қазақстан облсының әкімі Ғауез Нұрмұхамбетов Анатолий Башмаковқа «Алғыс» кеуде белгісін табыс етті, деп хабарлайды тілшіміз.

Петропалда  «СҚО-ғы бірлік пен келісімнен елдегі үйлесімділік пен ұлттық бірегейлікке дейін» деген атаумен  семинар-практикум өтті.  Өңір басшысы жиналғандардың алдында сөз сөйлеп, аймақтағы ұлтаралық татулық пен Ассамблеяның маңыздылығына тоқталды. Жиын барысында облыс әкімі ел бірлігін нығайтуға үлкен қосқаны үшін Қазақстан Халқы Ассамблеясының «Алғыс» кеуде белгісімен Анатолий Башмаковты марапаттады.