СҚО-да денсаулық сақтау басқармасының басшысы Құмар Күсемісов қызметінен кетті

Облыстық денсаулық сақтау басқармасының басшысы Құмар Күсемісов  қызметінен кетті, деп хабарлайды тілшіміз.

Шенеунік бұл жұмысқа 2022 жылдың күзінде  кіріскен еді.

Құмар Күсемісов Қарағанды қаласындағы мемлекеттік медициналық академияны «емдеу ісі» мамандығы бойынша тәмәмдаған.

Еңбек жолын 2006 жылы Қарағанды қаласындағы фтизиопульмонология орталығының жансақтау бөлімінде бастады. Ал 2010 жылы Аққайың аудандық орталық ауруханасының хирургі, кейін аталмыш медициналық ұйымның бас дәрігерінің орынбасары қызметін атқарды.

2016 — 2020 жылдары аралығында облыстық ПД госпиталіне жетекшілік  еткен.

2020-2022 жылдары Солтүстік Қазақстан облыстық денсаулық сақтау басқармасы басшысының орынбасары болды. Артынша күзде  басшысы болып тағайындалды.