Жамбыл ауданының орталығы – Пресновка ауылында жеке тұрғын үйде өрт шықты. Төтенше жағдай жайлы ақпарат сағат 16:57-де түсіп, жедел түрде өртсөндірушілер жіберілді.

СҚО ТЖД мәліметінше, оқиға орнына  жеткен құтқарушылар бірден отты ауыздықтауға кірісті. Қызыл жалын баспананың шатыры мен аулада тұрған «ВАЗ-2107» маркілі көлікті шарпыды. Өрттің аумағы 120 шаршы метрді құрады. Өкінішке қарай  тілсіз жау бір адамның өмірін қиды. Өлі табылған тұрғынның денесі сот-медициналық сараптамаға жіберіліп, себеп-салдары анықталуда.

Биыл облыста 245 өрт оқиғасы тіркеліп, қызыл жалын 17 адамның өмірін қиды. Бұл өткен жылдың сәйкес мерзімімен салыстырғанда аз. Былтыр  383 өрт оқиғасы  орын алса, салдарынан 19 тұрғын көз жұмды.

Қыркүйекте Есіл ауданында тауарлы-сүт фермасы ашылады