Велошабандоз Алексей Луценко шетелдік клубпен келісімшарт жасасты
Солтүстікқазақстандық велошабандоз Алексей Луценко «Israel — premier Tech» құрлықаралық велокомандасына ауысып жатыр. Жерлесіміз 2026 жылға дейінгі мерзімге созылатын келісімшартқа қол қойды.
2013 жылдан бастап Алексей Луценко Astana командасында өнер көрсетіп келген еді. Ол команда сапында 43 рет жеңіске жеткен. Оның ішінде елеулі дегендері мыналар: «Тур де Франс» және «Вуэльта Испания» кезеңдеріндегі жеңістері, «Оман турындағы» екі жеңісі, «Алматы турындағы» үш жеңісі, сондай-ақ «Түркия турында», «Джиро Сицилияда», «Джиро д ‘Абруццода», «Норвегияның Арктикалық жарысында» және «Хайнань Туры».
Алексей Луценко Astana командасынан кетуінің себебін де айтқан. Айтуынша, ол жаңа жеңіске жету үшін жайлы орынды таңдамақ.
Сонымен қатар велошабондоз өзінің басты мақсаты — классикалық жарыстар екенін айтты. Ол жерде нәтижелер үшін күресуге болатынын және бір апталық жарыстарда бас классификацияда жоғары орынға ие болуға мүмкіндік бар екенін атап өтті.