Жарияланған күні: 05.09.2024
Паралимпиада: Қазақстанның алғашқы алтын жүлдесі
Давид Дегтярев XVII жазғы Паралимпия ойындарының жеңімпазы атанды. Жарыста ол пара пауэрлифтингтен 54 кг салмақ дәрежесінде сынға түсті.
Отандасымыз 188 кг салмақты еңсеріп, екі дүркін Паралимпиада чемпионы атанды.
Күміс медальді 185 кг көтерген Куба өкілі Рамирез Барриентос Пабло жеңіп алса, қола жүлдені 179 кг нәтижесімен Қытай спортшысы Ян Джинлан иеленді.
Бұған дейін Қазақстан құрамасынан пара спортшы Еркін Ғаббасов Паралимпиада ойындарының күміс жүлдесіне қол жеткізгенін жазған едік.