Солтүстік Қазақстанның балуаны Ислам Евлоев Испанияда өткен грек-рим күресінен 20 жасқа дейінгі жасөспірімдер арасында әлем чемпионы атанды.

Финалда балуанымыз түрік спортшысын айқын басымдықпен жеңіп, дайындығы мен тактикалық шеберлігінің жоғары деңгейін көрсетті.

— Халықаралық аренада спортшымыз жақсы қырынан танылды. Исламды және оның жаттықтырушысы Қонысбек Түкеновті әлем чемпионатындағы жеңісімен құттықтап, оған спорттық мансабында сәттілік тілеймін,  — деп жазды өңір басшысы Ғауез Нұрмұхамбетов әлеуметтік желіде.