Баймағамбет Ізтөлиннің туғанына 125 жыл толып отыр
Сәбит Мұқанов атындағы облыстық ғылыми-әмбебап кітапханада жерлесіміз, ақын-революционер Баймағамбет Ізтөлиннің туғанына 125 жыл толуына арналған еске алу шарасы «Жалындап жанған жас өмір» деп аталды.
Алғашқылардың бірі болып сөз алған облысымыздың құрметті азаматы, Баймағамбет Ізтөлиннің жерлесі Серікбай Құсайыновкүрескер ақынның өмірі мен қызметі, шығармашылығы туралы баяндады.Қазақстан Журналистер одағының мүшесі Марал Зейнел-Ғабиқызы әкесі, белгілі жазушы Зейнел-Ғаби Иманбаевтың Баймағамбет Ізтөлин туралы бірнеше әдеби шығарма жазғанын тілге тиек етті. Зейнел-Ғаби Иманбаевтың «Ел ұланы»атты әңгімесі Баймағамбет Ізтөлинге арналған.
М.Қозыбаев атындағы Солтүстік Қазақстан университетінің студенттері Алуа Кеңесбай мен Айшаби Құдайбергенова ұлтжанды азаматтың туындыларын, Әсел Қасым жерлес ақынымыз Жарасбай Нұрқанның «Баймағамбет Ізтөлин» атты өлеңін оқып берді.Шараға Баймағамбет Ізтөлиннің туысқандары –Айна Қанафина, Ғалия Әбдірешева қатысты. Айна Сұлтанқызы атасын өзі көрмесе де, әкесінің естеліктерінен мол мағлұмат алып, басылымдарда жариялаанған маақалаларды үнемі оқып отыратынын және оны мақтан тұтатынын тілге тиек етті. Шара барысында қатысушылар «Күрескер ақын» атты кітап көрмесін тамашалады.