Экологиялық заңнама талаптарын бұзғандар жауапқа тартылды
Облыстық прокуратурада коммуналдық қалдықтарға қатысты экологиялық заңнаманы сақтау мәселесі бойынша алқа отырысы өтті.
Жиында келтірілген мәліметтерге және жүргізілген талдау нәтижелеріне қарағанда, қалдықтарды жоюға, орналастыруға қатысты, сондай-ақ коммуналдық төлем бойынша заңнама талаптары өрескел бұрмаланған. Прокурорлардың араласуынан кейін 11 ауданда тұрғындар үшін қалдықтарды жинауға, тасымалдауға, сұрыптауға және көмуге арналған арнайы тарифтер белгіленді. Өңірдің 6 ауданында негізсіз көтерілген тарифтерді төмендету бойынша нақты шаралар атқарылуда.
Экологиялық заңнама талаптарын бұзушылар арасында әртүрлі жауапкершілікке тартылған 95 тұлға, оның ішінде 3 аудан әкімі бар. Отырыс қорытындысы бойынша жергілікті атқарушы және уәкілетті органдарға нақты тапсырмалар берілді.