Республика күні қарсаңында Береке шағынауданында тағы бір әлеуметтік маңыздағы нысан қолданысқа берілді. Осы жолы ерекше білім алуды қажет ететін балаларға арналған мектеп-интернат ашылды.

Білім беру мекемесінің салтанатты ашылуына СҚО әкімі мен шаһар басшысы қатысты. Шараға қатысқан өңір жетекшісі қолданысқа беріліп жатқан нысанның маңыздылығын атап өтіп, алдағы уақытта аймақта әлі де бірнеше әлеуметтік нысан салынатынын алға тартты.

Жаңа арнайы мектеп ерекше білім алуды қажет ететін балаларға тең мүмкіндіктер жасамақ. Айта кету керек, арнайы мектептің ескі ғимаратында орын тапшы болды, жаңа ғимарат бұл мәселені шешіп, балаларды қабылдауды ұлғайтты. Оқу корпусы 300 орынға шақталған, 50 орындық интернат та бар. Қазір мұнда 220 бала білім алуда.

Мектеп логопед, дефектолог, сөйлеу және коммуникацияны дамыту, ритмика, сенсорлық және емдік дене шынықтыру кабинеттерімен жабдықталған. Оқушылар сондай-ақ бастапқы кәсіптік дағдыларды алады: тігін және ағаш ұстасы, ара шаруашылығы және бағбандық.

Өңір басшысы  балаларды тасымалдайтын шағын автобустың кілтін де табыс етті.

Елордада қазанның 19-20-сы күндері ауыл шаруашылығы жәрмеңкесі өтеді