СҚО-да астық қамбаға сыймай жатыр
Облыстық ауыл шаруашылығы және жер қатынастары басқармасының хабарлауынша, астықты сақтау үшін сыйымдылығы 3,2 млн тонна болатын 46 элеватор бар. Сондай-ақ агроқұрылымдарда сыйымдылығы 3,7 млн тонна астық сақтау қоймалар да жоқ емес.
— Биылғы рекордтық жақсы өнім, сондай-ақ өткен жылдардан қалған 1,5 млн тоннаға жуық астық, соның ішінде 800 мың тоннасы элеваторларда жатқандықтан, дәнді дақылды қабылдап, сақтауда түзету енгізді. Қазір 46 элеваторда 2 млн тонна бидай бар, оның ішінде 541,8 мың тонна азық-түлік корпорациясына тиесілі. Яғни 65% толық. Кейбір элеваторлар шаруашылықтардан жаңа астық партияларын қабылдауды тоқтатты, өйткені дақылдардың сапасы, ылғалдылығы әртүрлі. Осыған байланысты қоймаларда көбірек орын және уақыт алады. Кейін қабылдау қайтадан басталады. Толтырылған элеваторлар астықты жөнелтуіне, босатылуына қарай қабылдайды. Мысалы, 1,5 мың тоннаны жөнелтсе, тиісінше 1,5 мың тоннаны қабылдайды, — дейді СҚО ауыл шаруашылығы басқармасы басшысының орынбасары Жалғас Сүлейменов.