Петропавлдық еріктілер күшімен 100 тонна қоқыс жиналды
Петропавлдық еріктілер айналаны абаттандырып, таза қалыпта ұстауда белсенділік танытып келеді. Белсенді жастар күшімен 100 тонна қоқыс жиналды.
Ел көлемінде «Таза Қазақстан» акциясы басталғалы бері Петропавл көшелері мен қоғамдық орындарынан 10 тоннадан астам қоқыс жиналды. Жүзден астам жас ерікті қаланы пластиктен, целлофаннан және басқа қоқыстардан тазартуға шықты. Өткізілген сенбіліктерге төрт мыңнан астам адам қатысқаны белгілі.
Жақында жастар облыс орталығының экологтарына туған өлкенің табиғатын сақтау бойынша өз ұсыныстарын айтты. Өскелең ұрпақ табиғи ресурстарды дұрыс пайдаланып, қоқысты кәдеге жарату болатынын алға тартты. Олардың сөзінше, мұндай үрдіс шетелде кең қолданыс тауып жатыр. Сондай-ақ қала тұрғындары арасында тұрақты бұқаралық сенбіліктер ұйымдастыру туралы да пікірлер ұсынылды.
— Қаланы абаттандыру жұмыстары, сенбіліктер, экологиялық акциялар қажет-ақ. Біздің қалада экофестиваль ұйымдастырылса игі болар еді, — дейді волонтер Айнұр Сурғалиева.
Естеріңізге сала кетсек, «Таза Қазақстан» акицясы Президент бастамасымен көтерілді. Бүгіндері жастар бұл шараға белсенді түрде қатысуда.