СҚО әкімі ауыл шаруашылығы қызметкерлерін кәсіби мерекелерімен құттықтады
Облыс әкімі Ғауез Нұрмұхамбетов өңірдің ауыл шаруашылығы саласы қызметкерлерін төл мерекелерімен құттықтады. Аймақ басшысы әлеуметтік желіде өз жылы лебізін жеткізді.
— Құрметті ауыл шаруашылығы саласының еңбеккерлері!
Сіздерді кәсіби мерекемен шын жүректен құттықтаймын! Сіздің еңбегіңіз – елдің азық-түлік қауіпсіздігінің негізі, жерге деген адалдық пен төзімділік пен қажырлылықтың жемісі.
Ерекше құттықтауды биыл керемет жетістікке жеткен солтүстікқазақстандық диқандарға жолдаймын – 6 миллион тоннадан астам астық жиналды! Бұл жай ғана сан емес, бұл кәсібилік, табандылық пенөз ісіне деген сүйіспеншіліктің айқын дәлелі.
Ауыл еңбеккерлерінің табысы Қазақстанның аграрлық держава ретіндегі мәртебесін нығайта түсуде. Сіздердің еңбектеріңіздің арқасында елдің тұрақтылығы мен отбасыларымыздың дастарқаны берекеге толы. Сіздерге зор денсаулық, амандық, мол өнім және жаңа жетістіктер тілейміз! Еңбектеріңіз әрдайым лайықты бағаланып, жер-анамыз сіздерге береке сыйласын!
Мерекелеріңізбен, ауыл еңбеккерлері! — деп жазды СҚО әкімі.