Бағалы шаяндарды аулағандар жазаланды
Мамлют аудандық соты бір жыл бұрын «Artemia salina» шаяндарының жұмыртқаларын браконьерлік жолмен аулады деп айыпталған алты солтүстікқазақстандыққа үкім шығарды.
Былтыр облыстық полиция департаменті ұйымдасқан қылмысқа қарсы күрес басқармасының қызметкерлері алты адамнан тұратын топтың су ресурстарын заңсыз өндіруге қатысуы мүмкін екені туралы ақпарат алған.
2023 жылдың қыркүйегінде Токаревка ауылының маңында ұйымдасқан қылмысқа қарсы күрес басқармасының, Мамлют аудандық полиция бөлімінің қызметкерлері және 3367 әскери бөлімінің әскери қызметшілері екі «ВАЗ-21214» автокөліктеріне мініп келе жатқан күдіктілерді ұстады. Олардан «Artemia salina» шаяндарының жұмыртқалары салынған 7 қап тәркіленді. Сараптама сәйкес, келтірілген шығын 1 миллион 700 мың теңгеден асты.
22 мен 38 жас аралығындағы алты ер адам сот алдында жауап берді. Олардың екеуіне үш жылға бас бостандығынан айыру жазасы тағайындалды, қалғандарының осындай мерзімге бас бостандығы шектелді.
Үкім заңды күшіне енген жоқ.