Қала басшысы Серік Мұхамедиев қала әкімін сайлау науқанына қатыса ма белгісіз
Мемлекет басшысы кезекті халыққа жолдауында жақын арада қала және аудан әкімдерін халық сайлайтын болатынын айтқан еді. Белгілі болғандай әкімдер бұл жолы төрт жылдық мерзімге тағайындалады.
Әкім болуға үмітті азаматтардың жасы 25-тен асқан болуы тиіс. Тікелей сайлау барысында жергілікті халық құпия дауыс беру арқылы өз таңдауын жасайды. Кандидаттарды тіркелген саяси партиялар және жоғары тұрған әкім ұсынатын болады.
Өзін-өзі ұсынған кандидат сайлауға қатысуы үшін тиісті әкімшілік-аумақтық бірлікте тұратын сайлаушылардың кемінде бір пайыз қолын жинауы керек. Сайланатын әкімнің өкілеттік мерзімі – төрт жыл. Бір адам қатарынан екі реттен артық аудан әкімі болып сайлана алмайды.
Петропавл қаласының қазіргі әкімі Серік Мұхамедиев алдағы сайлауға түсе ме, жоқ па белгісіз. Ол 2023 жылдың бірінші шілдесінде тағайындалған болатын.