Жарияланған күні: 22.11.2024
СҚО-да 49 мың га жер мемлекет меншігіне қайтарылды
Жыл басынан бері прокуратура кадастрлық құны 932 млн теңгені құрайтын жалпы ауданы 49 мың га асатын жерлерді мемлекетке қайтарып үлгерді.
СҚО прокуратурасының мәліметінше, Ақжар, Тайынша, Тимирязев, Уәлиханов аудандарының жер пайдаланушыларынан 42 жер телімі алынды. Олар жер кодексінің талаптарын бұза отырып, ұзақ уақыт бойы ауыл шаруашылығы мақсатындағы учаскені дұрыс пайдаланбаған.
— Прокурорлық қадағалау актілері бойынша жер мемлекетке қайтарылды, олар қазіргі уақытта заңды экономикалық айналымға тартылып жатыр.Жергілікті атқарушы органдар Мемлекет басшысының биылғы 2 қыркүйектегі Жолдауы аясында қайтарылған жерлерді ауылдық жерлерде тұратын адал субъектілерге пайдалануға бермек, — делінген прокуратура хабарламасында.