Сергей Мелехов — Петропавл қаласы әкімінің орынбасары

Петропавл қаласы әкімінің орынбасары лауазымына Сергей Мелехов тағайындалды. Мемлекеттік қызметші жедел мәселелер және құрылыс саласына жетекшілік етпек. 

Бұл тағайындауға дейін Сергей Мелехов облыстық дене шынықтыру және спорт басқармасына жетекшілік еткен болатын.

Сергей Мелехов 1987 жылы 15 қазанда Солтүстiк Қазақстан облысы Смирново ауылында туған. 2009 жылы М. Қозыбаев атындағы СҚМУ «дене шынықтыру және спорт» мамандығы бойынша аяқтаған. 2015 жылы С. Сейфуллин атындағы Қазақ агротехникалық университетiн «электроэнергетика» мамандығы бойынша бiтiрдi. Ол конькимен жүгiруден ҚР спорт шеберi, жоғары санатты жаттықтырушы.

Еңбек жолын 2007 жылы Штаттық ұлттық командалар және спорт резерв дирекциясында нұсқаушы-спортшы болып бастады. Кейін Астана қаласындағы №2 балалар мен жасөспiрiмдер спорт мектебiнде және Штаттық ұлттық командалар және спорт резервi дирекциясының конькимен жүгiру спорты бойынша жаттықтырушысы болып жұмыс iстедi.

2016 жылдан бастап 2018 жылға дейiн «Олимп» облыстық мамандандырылған балалар-жасөспiрiмдер спорт мектебi  басшысының орынбасары қызметiн атқарды.Сондай-ақ, «Жеңiс» олимпиадалық резервтiң МБЖСМ басқарды.