Петропавлдағы мектептің үш оқушысы ауруханаға жеткізілді

Желтоқсанның 4-і күні Петропавлдағы Қожаберген жырау атындағы №6 орта мектептің төбесінен сылақ құлап, 3 бала зардап шекті. 

Бүгінге түскен ақпарат бойынша 2 шаршы метр аумақта төбенің сылағы құлады. Үш бала облыстық балалар ауруханасына бақылау үшін жатқызылды.

Оқиғаны тексеру үшін комиссия құрылатын болады, оның құрамына ТЖД, мемлекеттік-сәулет құрылыс бақылау, білім және құрылыс басқармалары, ата-аналар және басқа да мүдделі тараптардың өкілдері кіреді.