Петропавлда 10 мың лента үлестіріледі
Петропавлда Жеңістің 80 жылдығына орай арнайы акция өтпекші. Шара аясында 10 мыңнан астам «Жеңіс лентасы» үлестіріледі.
Бүгіндер облыс орталығының еріктілері қалалықтарға 2 мыңға жуық лента таратып үлгерді. Көк түсті лента аспан түстес болған соң, ол нағыз патриоттықтың белгісі деуге болады. Мұны еріктілер де алға тартып отыр.
Еріктілер көк түсті ленталарды қаланың барлық аудандарында үлестіріп келеді. Акция 9 мамырға дейін жалғасады.
— Акцияны супермаркеттерде, сауда үйлерде және орталық алаңдарда өткізіп жүрміз. Барша жерлестерімізді бейбіт күндерді бағалауға шақырамыз. Сондай-ақ ел қамын ойлап, ерлік көрсеткен майдангерлерді есте сақтау қажеттігін алға тартып отырмыз. Күніне біз 15 адам болып, қаланы аралаймыз. Бұл шарамыз қажет-ақ деп ойлаймын, — дейді Жастар ресурстық орталығының белсендісі Татьяна Скакунова.