СҚО әкімі «Sensitive» би театрының жетекшісімен кездесті
Облыс намысын халықаралық би фестивальдерінде қорғап жүрген «Sensitive» театры барша жерлестеріміз үшін таныс. Биыл солтүстікқазақстандық өнерпаздар Қытай елінде үшін Гран-приге ие болды. Айтулы жеңісімен өңір басшысы ұжымның жетекшісін құттықтап, арнайы кездесуде жылы лебізін жеткізді.
«Sensitive» — Қазақстанның атынан қатысқан жалғыз ұжым болды! Бұл тек жеңіс емес — бұл рух күшінің, күн сайын кедергілерді жеңіп, өзгелерге үлгі бола білген жандардың тарихы.
— Ольга Николаевнамен ерекше қажеттіліктері бар балаларды қолдау мәселесін талқыладық. Оның ұжымы жасап жатқан іс — баға жетпес еңбек, жетістігіне шын жүректен тәнтімін. Олар тек би үйретіп қана қоймай, балаларға жаңа әлемнің есігін ашып, өздеріне деген сенімін ұялатады, таланттарын ашып, қоғамдағы шектеулерді бұзады. «Sensitive» театрына алғысым шексіз. Сіздер өнердің шекарасы жоқ екенін, ал сенім мен табандылықтың нағыз ғажайыптарға жол ашатынын дәлелдедіңіздер, — деді Ғауез Торсанұлы.