СҚО-да 4,4 млн. гектар алқапқа дән сіңіріледі
Елордада Үкімет отырысы өтті. Күн тәртібінде көктемгі дала жұмыстары туралы айтылды. Бұл жиынға қатысқан өңір басшысы Ғауез Нұрмұхамбетов алқапқа дән сіңіру жұмыстары барысы және вегетациялық кезеңді өткізу жайлы туралы баяндады.
Отырыста белгілі болғандай, биыл өңірде ауданы 4,4 млн гектарға ауыл шаруашылығы дақылы себіледі, оның ішінде астық – 3,3 млн га, майлы дақылдар – 760 мың га, мал азықтық – 392 мың га, картоп – 6,5 мың га, көкөніс – 1,3 мың га. Әртараптандыру аясында майлы дақыл алқабы 85 мың гектарға ұлғайтылады.
Бүгінгі күні 274,5 мың тонна тыңайтқышқа немесе жоспардың 82,3%-на келісімшарт жасалды, 470 мың тонна кондициялық тұқым бар, 52,6 мың тонна элиталық тұқым сатып алынды. Сортты жаңарту 11,2%. 254 теңге/литрден 52,2 мың тонна жеңілдетілген дизель отыны бөлінді.
— 12,3 мың бірлік техника жұмылдырылады, 100% дайын. Ерте қаржыландырудың арқасында диқандар егін егуге алдын ала дайындалды. «Кең Дала 1 және 2» бағдарламалары бойынша 70 млрд теңге қаржыландырылды. Өткен жылғы қарыздар бойынша берешек жоқ. «ҚазАгроҚаржы» АҚ арқылы 11,2 млрд теңге қаржыландырылды, форвардтық сатып алуға 7,4 млрд теңге бөлінді, — деді СҚО әкімі.
Сондай-ақ, ол көктемнің басында қар жамылғысының ерте еруі және көктемнің басында топырақта оң температураның тұрақты жиналуы бұршақ пен майлы дақылды ерте себуге қолайлы жағдай туғызғанын хабарлады. Егіс жұмысы сәуірдің соңында басталды, бұл оңтайлы агротехникалық мерзімге сәйкес келеді.