Жерлесіміз кикбоксингтен әлем кубогының 5 дүркін чемпионы атанды
Мамырдың 14-і мен 18-і күндері аралығында Түркияның Анталья қаласында кикбоксингтен әлем кубогы өтті. Жарысқа дүниежүзінің үздік былғары қолғап шеберлері қатысты. Жерлестеріміз Аслае Асылбеков чемпион атанса, Данияр Жарасов қола жүлдені місе тұтты.
Түркиядағы жарысқа 2549 спортшы қатысты. Бұл сында ел намысын 102 отандық кикбоксшы қорғады. Оның екеуі солтүстікқазақстандық спортшылар еді.
Аслан Асылбеков 60 келі салмақта өнер көрсетіп, фулл-контакт бағытында барлық қарсыластарын жеңіп, алтыннан алқа тағынды. Осылайда жерлесіміз бес дүркін әлем кубогының иегері атанды.
57 келі салмақта тағы бір жерлесіміз қола жүлдегер атанды. Данияр Жарасов үш кездесу өткізген еді.
