Жыл басталғалы облыста 29 дала өрті тіркеліп, 283 гектар жер жанып кетті. Былтыр дәл осы кезеңде 4 га-да бір ғана өрт шықты.

Күн жылынғалы Тайынша ауданында — 9, Ғ. Мүсірепов атындағы ауданда — 7, Ақжар және М. Жұмабаев аудандарында — 4 өрттен тіркелген. Сонымен қатар, құрғақ шөптің жанудың 160-тан астам фактісі тіркеліп, 410 гектарға жуық аумақ отқа оранды.

— Өрт қауіпсіздігін қамтамасыз ету мақсатында облыс бойынша 356 адам бар 55 мобильді топ құрылды, 418 рейд жүргізіліп, 78 адам әкімшілік жауапкершілікке тартылды, 66 — ескерту жасалса, жалпы сомасы 380 мың теңге болатын 12 — айыппұл салынды, — дейді СҚО ТЖД бастығының орынбасары Дмитрий Растихин.

Маманның айтуынша, алдын алу жұмысы тиісті деңгейде атқарылмаған. Өрттің таралуын тежеу үшін ауылдардың айналасында 1588,3 км қорғаныс жолағы салынуы тиіс болса, бүгінде тек 808,3 км жасалған. Мәселен Қызылжар ауданы 217 шақырымның тек 25-ін ғана жыртқан.

Үш жасар бала терезеден құлап кетті