Облыс әкімі Ғауез Нұрмұхамбетов мектеп олимпиадалары мен ғылыми жобалардың жеңімпаздары және жүлдегерлерімен кездесті.  Солтүстік Қазақстан облысында жыл сайын 2,5 мыңға жуық оқушы олимпиадалық қозғалысқа қатысады. Бұл — оқушылардың ғылымға деген жоғары қызығушылығы мен білімге ұмтылысын көрсетеді.

Биыл Республикалық ауыл оқушылары олимпиадасында 23 оқушымыз жүлделі орындарға ие болды. Облыс командасы екінші жыл қатарынан еліміздегі үздік үштікке еніп келеді.

— Оқушылар ғылыми жобалар байқауларында да белсенділік танытып келеді. Бұл — оқушылардың, мұғалімдер мен ата-аналардың жүйелі және тынымсыз еңбегінің нәтижесі. Әсіресе зерттеу жобалары көрмесін тамашалау ерекше әсер қалдырды: тақырыптардың тереңдігі, қолданбалы бағыты — экология мен тарихтан бастап медицина мен ғарышқа дейін қамтылған. Бұл жай ғана оқушылық жұмыс емес, болашақтағы нақты ғылыми жетістіктердің бастауы деп білемін, — деп атап өтті өңір басшысы.

Білім, табандылық пен даму жолындағы талпыныс — қуатты Қазақстанның сенімді іргетасы. Кездесудің жаңа Креативті индустрия орталығында өтуі тегін емес — мұнда жастардың әлеуеті мен талантын ашуға барлық жағдай жасалған.

Полиция қызметкері бейнебақылау жүйесі арқылы ер адамды құтқарып қалды