Жарияланған күні: 27.05.2025
Петропавлда 2013-2014 жылдары туған бойжеткендер арасында жарыс өтті
Халықаралық балаларды қорғау күніне орай облыс орталығында 2013-2014 жылы туған оқушы қыздар арасында волейболдан өңірлік турнир өтті. Турнирге 12 команда қатысты.
Айта кеткен жөн, өңірлік жарыс «AMANAT» партиясы СҚОФ-ның бастамасымен ұйымдастырылды. Тартысқа толы сайыстың қорытындысы бойынша жеңіс Қызылжар ауданынан келген командаға бұйырды. Күмісті қызылжарлықтарға жол берген №7 орта мектебінің қыздары еншіледі. Ал үздік үштікті №6 орта мектебі түйіндеді.
Жеңімпаздар мен жүлдегерлер дипломдармен, медальдармен және кубоктармен марапатталды, ал үздік ойыншыларға арнайы сыйлықтар табысталды.