СҚО-да қуғын-сүргін құрбандарына әлеуметтік көмек қарастырылған
Биыл игі дәстүр бойынша Қуғын-сүргін құрбандарын еске күні аталып өтіледі. Ел тарихындағы қаралы датаға орай 2 мыңнан астам өңір тұрғынына әлеуметтік көмек көрсетіледі. Мұны СҚО жұмыспен қамтуды үйлестіру және әлеуметтік бағдарламалар басқармасы алға тартып отыр.
Аталмыш ведомствоның мәліметінше, 31 мамыр — Саяси қуғын — сүргін және ашаршылық құрбандарын еске алу күніне орай жыл сайынғы негізде біржолғы әлеуметтік көмек төлеу көзделген.
Саяси қуғын-сүргінге тікелей ұшыраған адамдарға 15 АЕК мөлшерінде беріледі. Ал егер ата-анасымен бірге жазалау орындарында, жер аударуда немесе арнайы қоныстану орындарында болса, репрессия салдарынан ата-анасынан немесе олардың біреуінен айырылған болса және ата-анасы қуғын-сүргінге ұшыраған кезде кәмелет жасына жетпеген болса, оған 10 АЕК мөлшерінде төленеді екен.