Облыс әкімі өңір тұрғындарын Ұлттық домбыра күнімен құттықтады
Әлеуметтік желідегі жеке парақшасында облыс әкімі Ғауез Нұрмұхамбетов аймақ халқын ұлттық мейрамның бірі — Домбыра күнімен құттықтады. Өңір басшысы ізгі тілегін жолдап, мерекенің маңыздылығын атап өтті.
— Сіздерді ұлттық рух пен мәдениетіміздің асыл мұрасы — Ұлттық домбыра күнімен шын жүректен құттықтаймын! Домбыра — халқымыздың жаны, ата-баба аманаты. Бұл күн — ғасырлардан жеткен күй өнерін ұлықтап, ұлттық бірегейлігімізді насихаттайтын ерекше мереке. Күмбірлеген күй арқылы біз тарихымызды, салт-дәстүрімізді, халықтың терең рухани әлемін сезінеміз.
Баршаңызға өнер мен шабыт, құлақтан кіріп бойды алар әсем күй, отбасыңызға амандық, елге бірлік пен береке тілеймін. Домбырамыздың үні ешқашан өшпесін, ұлттық өнеріміз ұрпақтан-ұрпаққа жалғаса берсін! Ұлттық домбыра күні құтты болсын! — деп жазды СҚО әкімі.